Loading...

කථානායක කරු ජයසූරිය මහතා සහ පාර්ලිමේන්තුව නියෝජනය කරන දේශපාලන පක්ෂ නායකයින්ගේ හමුවක් අද පස්වරුවේ පැවැත්වෙන බව වාර්තා වෙනවා.

ඒ, පාර්ලිමේන්තු සංකීර්ණයේදී යි.

කථානායක මාධ්‍ය ඒකකය සඳහන් කළේ, ලබන 14 වන දා පාර්ලිමේන්තුව කැඳවීමට ජනාධිපතිතුමා නිකුත් කළ ගැසට් නිවේදනයත් සමග ඒ සඳහා කටයුතු කිරීම පිළිබඳ සාකච්ඡා කිරීමට මෙම පක්ෂ නායක රැස්වීම කැඳවා ඇති බව යි.

මේ අතර ලබන 14 වන දා ආරම්භ වන පාර්ලිමේන්තු සැසිවාරයේ ආසන පැනවීමේ කටයුතු ලබන 12 වන දා සිදු කරන බව පාර්ලිමේන්තුවේ වේත්‍රධාරී නරේන්ද්‍ර ප්‍රනාන්දු පැවසුවා.

නව අග්‍රාමාත්‍යවරයා ලෙස මහින්ද රාජපක්ෂ පත් කරමින් ජනාධිපතිතුමා නිකුත් කළ ගැසට් නිවේදනය ප්‍රකාරව ආසන පනවන බවයි ඔහු සඳහන් කළේ.

කෙසේ වෙතත් ඔහු වැඩිදුරටත් පවසා සිටියේ ඒ සදහා කථානායකවරයාගේ උපදෙස් ලබා ගන්නා බව යි.

Loading...