Loading...

අගමැතිවරයාට හා ඇමැති මණ්ඩලයට එරෙහිව මේ වනවිට අභියාචනාධිකරණයේ නඩුවක් විභාගයට ගෙන ඇති නිසා පාර්ලිමේන්තුවේ ස්ථාවර නියෝගවල 36 වැනි වගන්තිය යටතේ අගමැති හෝ ඇමැති මණ්ඩලය පිළිබඳ යෝජනාවක් විවාදයට ගැනීමට නොහැකි බව කැබිනට් සම මාධ්‍ය ප‍්‍රකාශක ඇමැති දයාසිරි ජයසේකර මහතා පැවැසීය.

අධිකරණයක විනිශ්චයට භාජනය වී ඇති හෝ විභාගයට ගෙන ඇති නඩු කටයුත්තක්‌ සම්බන්ධයෙන් පාර්ලිමේන්තුවේ විවාද කළ නොහැකි බවට ස්‌ථාවර නියෝගවල පැහැදිලිව සඳහන්ව ඇති බවද ඇමැතිවරයා සඳහන් කළේය.

විපක්‍ෂය අද දිනයේදී පාර්ලිමේන්තුවට ඉදිරිපත් කර ඇති යෝජනාවද ඊට සම්බන්ධ කරුණක්‌ බැවින් එය විවාද කළ නොහැකි බව ඇමැතිවරයා කියා සිටියේය.

කෙසේ වෙතත් අද දිනයේදී පැවැත්වෙන පාර්ලිමේන්තු රැස්‌වීම් වාරයට සහභාගි වන්නේද නැද්ද යන්න අද (29 දා) උදැසන රැස්‌වන ආණ්‌ඩු පක්‍ෂ පාර්ලිමේන්තු මන්ත්‍රී කණ්‌ඩායම් රැස්‌වීමේදී තීරණය කරන බවද ඊයේ (28 දා) පැවැති කැබිනට්‌ තීරණ දැනුම්දීමේ මාධ්‍ය හමුවේදී ඇමැතිවරයා සඳහන් කළේය.

Loading...